APADRIÑAMENTO LECTOR: OS POEMAS DO RÍO

Este ano puxemos en marcha o proxecto de apadriñamento lector entre alumnado de 5º de EP e 2º de EP. Para isto escollemos unha obra de teatro, Os poemas do Río, con texto de Cristina Corral Soilán e ilustracións de Aurora Cascudo Román. 

Organizámonos  por parellas e os maiores axudaron a ler aos pequenos dando os seus primeiros pasos na lectura, como podedes ver…

 

Unha vez organizada a lectura o alumnado de 2º EP seguiu a ler na clase, porque eles/as ían traballar esta teatralización na Caracola Radio, ata se converter en auténtic@s actores e actrices de Radio, aquí os tedes nos días de grabación.

Tras tanta axuda entre compañeir@s e coas prácticas da clase e da casa, o resultado de teatro radiofónico foi fantástico, xulgade por vos mesm@s..

TEATRO RADIOFÓNICO : "OS POEMAS DO RÍO"

(Alumnado 2º EP)

Pero a cousa non quedou aquí, a profe Cris tiña gardados uns disfraces de atrezzo da obra de teatro, así que empezamos a ler con eles postos, tanto nos animou isto que pensamos que un bo xeito de agradecer a axuda prestada polos maiores era convidalos a unha lectura pública da obra de teatro, así que fixemos unas invitacións personalizadas para eles/as....

E obviamente co permiso do profe Luis aló marchamos a levarllas á clase, para saber se poderiamos contar coa súa presenza no espectáculo…

 

 Como xa nos contestaron no momento axiña soubemos quen sería o noso público no día da estrea...

Unha vez confirmada a súa asistencia montamos o escenario na biblioteca e así foi a cousa…

LECTURA TEATRALIZADA: "Os poemas do Río"
(Alumando 2º EP)

OLA PONTECIENCIA, AQUÍ ESTAMOS!

  Desde que principiou Ponteciencia sempre estivemos, este ano de novo aquí vamos coas nosas investigacións.

Algunhas fotos

https://photos.app.goo.gl/2xlbI8dSpFhG33ZH3

LEMOS -TAMÉN- COAS ORELLAS!

O Mago de Oz, A frauta máxica de Mozart, Nanas de música clásica, Música Tradicional Africana, Sr. Soul, Sr.Blues & Sra. Jazz, agora están con vos nas casas, xa que as mochilas viaxeiras incorporaron libros destes contidos acompañados duns cascos coa música gravada para que poidas ler -tamén- coas orellas!
A gozar!!

APRENDEMOS SOPORTE VITAL BÁSICO

Estes días andivemos a traballar con Andrea Cabaleiro, da Universidade de Vigo. Está a realizar un traballo sobre Soporte Vital Básico en educación infantil e primaria, aplicando materiais didácticos da expresión plástica adaptados. Ela ensinounos que facer en caso de que a alguén lle pase algo cando está canda nós. Traballamos por parellas para testear como estaba o noso compañeiro ou compañeira e saber se respira, e a quen chamar en caso de que as cousas non vaian ben, concretamente ao teléfono 112, número que memorizamos grazas a un xogo que Andrea nos ensinou.

Aquí deixamos unha foto do alumnado de 2º EP facendo as prácticas na biblioteca.

   

Gracias Andrea por nos ensinar algo tan valioso.

LUAN & GUSTAVO: ARTISTAS NA BIBLIOTECA

Ás veces pasan cousas máxicas nas catro paredes da nosa caixa de Imaxinópole.

Hoxe foi un deses días bonitos e inesquencibles, Luan (4ºEP) quixo actuar para todos  tocando a batería e acompañouno seu pai Gustavo Almeida na guitarra e na voz, e foi moi lindo e Gustavo contounos que hai anos na súa escola do Brasil súa nai acompañouno en circunstancias parecidas, e que estaba moi ledo por poder facer o mesmo con Luan.

Gozamos moito da vosa actuación e cariño!

RAFISALIS: unha historia máxica.

Rafisalis é un produto dun traballo demorado para iniciar ao alumnado de 2º de EP na creación de banda deseñada.
Principiamos cun vídeo motivador
e logo fomos traballando no deseño da protagonista, unha superheroina capaz de resolver os problemas cotiáns do cole sen  axuda do profesorado. Deseñamos e configuramos, fixemos un pequeno storyboard e finalmente realizamos.
Ao día de hoxe, a nosa  Rafisalis está non Salón do Libro de Pontevedra coñecendo a moitos visitantes que por alí se pasan cada día, axudando a quen precisa!

MOCHILAS VIAXEIRAS

Xa tiñamos ganas de levar Imaxinópole (a nosa biblio) ás casas do noso alumnado. Onte viaxaron as mochilas de E. Primaria que conseguimos preparar nestas últimas semanas coa axuda de Laura Goldar a quen estamos moi agradecidos.

Hai uns días mandamos esta carta ás familias:

Queridas familias,

Inauguramos este curso unha nova actividade da biblioteca escolar, as  MOCHILAS VIAXEIRAS coa intención de ampliar a biblioteca a toda a comunidade educativa, é dicir, ABRIMOS PORTAS  ao gozo pola lectura en familia.

 

As MOCHILAS VIAXEIRAS estarán unha semana enteira nas vosas casas e  rotarán por todo o alumnado de cada curso. De aí a importancia de coidar os libros para que toda a comunidade poida gozar deles en perfectas condicións.

A composición das  mochilas é variada con  exemplares de poesía, álbum ilustrado, banda deseñada, informativos... Queremos mostrarvos o escaparate dunha biblioteca diversa, atractiva e formativa. Tamén rendemos unha  homenaxe a nosa veciña ilustre FINA CASALDERREY incluíndo un libro seu en cada mochila.

Por último pedimos a vosa colaboración para que escribades un pequeno texto sobre ese primeiro libro que vos deixou unha  pegada fonda e unha lembranza inesquecible. Cada páxina estará destinada a unha familia e a participación deberá correr a cargo de calquera adult@ da mesma.

Esperamos que gocedes connosco desta nova andaina.

A biblioteca

ENCUENTRO CON GONZALO MOURE (ESCRIBIMOS COMO LECTORES)

 

El pasado lunes 12 vino Gonzalo Moure, el autor del "Oso que leía niños". Nos dio una charla de cómo se sentía al ser escritor. Nos contó que el se preocupaba mucho por los niños refugiados del Sáhara, y que había conseguido enviar tres bibliobuses a los campamentos de allí.

Su madre escribía cuentos y su abuelo era poeta. 

Escribió  muchos libros que llegaron a ser muy conocidos: "Lili libertad", "Geranium", "Soy un caballo", "Esta, la vida", "Nacho Chichones"... 

También vio los trabajos que hicimos los niños de quinto y de primero.

Bruno Corbacho & Claudia Méndez  5º EP

As fotos do encontro

CATRO MANS (CONTOS VIVIDOS)

Xa vos contamos que estivemos traballando @s pequen@s e @s maiores do cole para facer un precioso traballo de escritura compartida de "Contos á carta", onde además de pasalo xenial, aprendimos que o que algunhas personas poden imaxinar outras poden crealo... aquí vos deixamos a proba vivinte de todo o que construimos aqueles días do que xa vos temos falado. Aquí queda CATRO MANS (Contos vividos!)

 Disfrutade do noso traballo conxunto!

CONTOS Á CARTA

Seguimos traballando dentro do programa "Escribir como lectores" da AELE (Asociación Española de Lectura e Escritura) no que estamos inscritos e co que estamos a  descubrir o libro "El oso que leía niños" de Gonzalo Moure. 

Nesta ocasión argallamos unha actividade moi interesante para que traballaran de xeito conxunto o alumnado de 1º de Educación Primaria co de 5º, de xeito que @s  pequen@s interactuaran cos/as grandes: os peques elexirían títulos para contos que os maiores lles escribirían, unha especie de contos á carta.

Nunha primeira fase da actividade, o alumando de 1ºEP encargouse de facer títulos de posibles contos que estaban por escribir, e que se parecían moito ós daquel libro tan interesante que estiveron a ler: El oso que leía niños.

Para inventar estes títulos fixeron un xogo moi divertido co que ampliaron o seu léxico e a súa imaxinación. A profe Pili deulles tres caixas nas que había animais, verbos e cousas respectivamente. 

 

Cada nen@ escolleu o animal que máis lle gustou, a acción que quería que fixese e a cousa á que se refería esa acción.

Así os resultados foron moi variados e varipintos, e deron uns títulos moi divertidos.

Unha vez escritos os títulos fixeron incluso as ilustración que representarían a ese contos que querían pedirlle aos seus/súas compañeir@s de 5º.

"El conejo que viajaba a los castillos"

"El búho que miraba casas"

"El hipopótamo que odiaba las tormentas"

"El gallo que regalaba radios"

"El ciervo que curaba árboles"

E dito e feito o alumnado de 5º co profe Luis púxose mans á obra e creou todo tipo de contos para tantas peticións como tiveron. Cando estiveron listos levouse a cabo un encontro na biblioteca e leron os contos escritos aos seus/súas "clientes/as".

Tod@s opinaron sobre se lles gustara o conto, se os personaxes eran como esperaban, pediron cambios, fixeron suxerencias e pasárono estupendamente con esas lecturas de contos á carta.

Xa está no forno a edición dun pequeno libro que recolle todas estas obras creadas en conxunto nesta experiencia marabillosa. En breve colgarémolo aquí, no blog do cole.

Bo traballo rapaces/as!