Participación no programa PIALE

Piale Plan de difusión de 1 2

POEMAS CON SEGREDO

Este días tamén andivemos adicados á poesía... nós xa eramos de ler e recitar coa profe na clase. Gústanos por exemplo Poemas con Piruleta de Carlos Fontes e Leandro Lamas...

Tamén lemos algúns poemas que aparecen nos libros de texto das linguas...

Pero estes días, a profe Cris trouxo a súa caixa da poesía con moitos tipos de libros con poemas, algún con rimas asonantes, outros consoantes, outro sen rima e uns que teñen "segredo"...

Así que de tanto ler e de tanto falar pensamos que igual nos podiamos animarnos a facer algún deses poemiñas con segredo... As profes encargáronos que o poema tivera escondida a palabra PONTEVEDRA... e alá nos lanzamos a compoñer...

 

¿Queredes escoitarnos recitando? Pois aquí tedes a Héctor, Nerea, Silvia e Sabela...

CELEBRAMOS O DÍA DA POESÍA

Esta semana celebramos o Día da Poesía, xusto no ano que se cumpren cen anos do nacemento da poeta Gloria Fuertes. O alumnado de 1º EP fixo un achegamento á persoa e á obra da autora para lembrala. Primeiro aprendemos cousas dela a través da súabiografía e despois eleximos un dos seus poemas para traballar. Como seguimos metidos de cheo no proxecto de narrativa, escollemos un adicado aos osos, "El oso goloso".

Para traballar nel primeiro lémolo devagar e despois fomos debuxando as cousas que máis nos chamaron a atención desta obra infantil.

Como nos gustou tanto ver recitar aos nenos e nenas doutros coles, quixemos facer o mesmo, e por iso fixemos grupos de recitado para presentarllo aos nosos compañeir@s.

Finalmente o noso traballo quedou moi chuli decidimos facer esta montaxe para compartilo con todo o mundo que viaxa pola rede.

¡Gracias Gloria Fuertes polo teu agasallo en forma de oso!

O CALENDARIO NAS AULAS DE PRIMARIA

No noso día a día atopamos unha serie de obxectos que nos parecen moi cotiás e que sen embargo, cando estamos en primaria sonnos de grande axuda na aula, un exemplo é o dos calendarios. Cada mañá axúdanos a descubrir moitas cousas. En 1º EP sabémolo ben por iso somos moi amigos deles, coa súa presencia na aula aprendemos os números, os días da semana, os meses, as estacións, etc. pero con eles tamén aprendemos a contar, a sumar e restar, aprendemos as sílabas cos nomes do santoral, o xénero dos nomes e incluso a contar palabras que poden sair dos nomes propios do calendario... ás veces ter un a man, na casa, tamén é boa cousa. Quen nos ía dicir a nós que un calendario nos ía ensinar tantas cousas?

Diferenciamos as sílabas nas palabras e vemos cantas vocales hai en cada unha delas

Contamos o número de vocales e o número de consonantes que hai en cada palabra

 Facemos frases co nome que lle toca a cada día 

Facémolas grandes engadindo novas palabras, contaremos o número de palabras que ten cada frase...

¡Quen nos ía dicir a nós que un calendario nos ía ensinar tantas cousas!