Participación no programa PIALE

Piale Plan de difusión de 1 2

25 DE NOVEMBRO. DÍA DA ELIMINACIÓN DO MALTRATO CONTRA A MULLER

O alumnado leva traballando sobre esta triste realidade uns cantos días. Desde terceiro, fixemos pequenos programas de radio para intentar concienciar desta problemática. Dádelle ao play!

MAGOSTO 2019

Sen dúbida a raíña das celebracións do outono e unha das festas máis querida por todos é o Magosto. Como todos os anos festexamos o noso e trouxemos da casa castañas e madeira para participar no asado de castañas. Este ano foi a cargo do alumnado de 6º xunto co noso querido conserxe Manolo.

Aínda que o tempo por momentos non acompañou pasámolo en grande! VIVA O MAGOSTO!

Premede na imaxe para ver máis fotos

VÍDEO SOBRE O EXCESO DE RESIDUOS

O alumnado de 3º quérevos deixar unha mensaxe ao resto de nenas e nenos do cole: Traede menos residuo, e se o traedes, usade os caldeiros do lixo!

/>

GRAVACIÓN DO VÍDEO SOBRE O LIXO DO PATIO

Para que a mensaxe non quede só no ámbito do cole, as nosas ecopatrullas están a elaborar un vídeo coas evidencias e con consellos para conseguir un patio sen ningún residuo.

Estas son algunhas das secuencias:

E detrás da cámara...

                       

                       

CUÑAS PUBLICITARIAS RESIDUO CERO!

Outra forma de seguir concienciando a todo o colexio de eliminar completamente o residuo é a través do noso timbre musical e da nosa Caracola Radio.

O alumnado de terceiro estivo gravando en grupo, cuñas publicitarias que escribiron e que así o resto de aulas poidan escoitalas durante os recreos.

PRESENTACIÓN DO PROXECTO RESIDUOS CERO!

Para que todo o alumnado do colexio se decatara da problemática do exceso de residuos no cole, o alumnado de 3º elaborou unha presentación por grupos que foi expoñendo ao resto de aulas.
Reparto de responsabilidades, ensaios, guións... foi todo un reto para esta cativada!

Esta foi a presentación que empregaron:

E aquí temos a un dos grupos en plena acción transmitindo a mensaxe ecolóxica, neste caso, ao alumnado de Educación Infantil.

RESIDUO CERO!

Gracias á clase de 3º de Primaria e ao traballo que levan desenvolvendo durante varias semanas, todo o noso cole está sendo incluido nun proxecto tan interesante como necesario: RESIDUO CERO

Un proxecto que favorece que durante os recreos non se xere basura durante o recreo. Xa o fixeron estes 22 colexios galegos e nós agardamos estar nesa lista dentro de pouco gracias aos nenos e nenas de 3º e á súa titora.

QUE SUSTO!

Menudo susto levou o alumnado de 3º!
Houbo quen se atreveu a achegarse, pero outras persoas recuaron!

SAMAÍN 2019

Con isto da globalización temos algo de lío co do Samaín e o do Halloween, aínda que a nós o que nos importa e festexar e pasalo ben, e para mostra, aquí tedes un video do baile e os sustos que prepararon os de 6º e tamén unhas fotiños.

Premede na imaxe para ver máis

VISITA Á BASE AÉREA DO CAMPIÑO

Hoxe o alumnado de 3º foi coñecer máis de preto o labor da brigada do Campiño que loita contra os incendios forestais.

Falamos co persoal, accionamos as mangueiras, entramos no helicóptero e mesmo tivemos a sorte de ver como solta a auga do "bambi". A visita rematou cunha reflexión sobre a importancia de conservar os nosos montes e a prevención dos incendios forestais.

Esperamos que non teñan moito traballo que facer!

Premede na imaxe para acceder á galería completa.

XA CHEGA O SAMAÍN!

E faino da man dos de Infantil que aproveitando a súa estrea na nosa Telelérez visitaron o máis alá. Cunha canción clásica de Fofito, "Los Esqueletos" fan toda unha viaxe por mundos terroríficos convertidos en seres típicos desta época.

TELELÉREZ ESTÁ CHEGANDO!

Temos grandes noticias que compartir con vós:

Unha nova televisión vai comezar a emitir dende a biblioteca do CEIPP San Benito de Lérez!
Chámase Telelérez!
Polo de pronto aínda non sabemos moito.

Mirade os primeiros anuncios protagonizados por Joel, Preciosa, Tabita e Aitana de 2º de Primaria.

Tal e como vos contan Tabita e Aitana, lembrade subscribirvos á canle de Youtube, podedes facelo premendo aquí youtube.com/c/SanBenitoLerez

UN CANTEIRO VEU VISITARNOS

O venres 11 de outubro tivemos a sorte de que nos viñera visitar José Manuel Pérez Fontán, canteiro profesional e pai do noso alumno de cuarto Marcel. José Manuel pasou a mañá con nós e explicounos en que consistía o seu traballo e tamén como había que facer para levalo a cabo. Incluso puidemos probar nós mesmos. Aquí tedes un video desta divertida xornada.


Para rematar esta xornada o alumnado de 4º fíxolle unha entrevista do máis interesante que podedes escoitar a continuación. Gracias por todo José Manuel.

O CAIXÓN FLAMENCO

Na clase de 3º de Primaria, estes días descubrimos que un dos seus alumnos tiña unha habilidade moi especial... tratábase de Kevin, quen dixo que sabía tocar o caixón flamenco e que un día ía traer un para ensinarnos como se tocaba.

Así foi, así que decidimos gravalo en video, pero a sorpresa non remata aí xa que explicounos que o seu mestre no caixón, era outro alumno do cole e cando nos enteramos quen era, pedímoslle que viñera a explicarnos un pouco máis sobre o mundo do caixón flamenco, sabedes quen é?

Mirade o video para enterarvos, ata a mestra da clase e outro mestre acaban tocando. Xa veredes

NOVOS PROGRAMAS DOS DE 4º

Bueno, bueno, semella que os de 4º de primaria siguen moi de preto ao alumnado máis maior do cole e xa presentaron os seus primeiros programas na Caracola Radio e a verdade é que para ser a primeira vez que se gravaban eles e elas sen axuda, fixeron moi pero que moi ben. Escoitade, escoitade, a temática é do máis variada.

CARACOLA RADIO XA ESTÁ EN MARCHA!

Pois si amiguiños e amiguiñas apenas un par de semanas despois de comezar co novo curso, o alumnado de 6º xa se puso as pilas a tope e publicaron os seus primeiros traballos. Neste caso de temática totalmente libre.

Non perdades nin un so destes programas porque hai de todo, dende animais moi interesantes, ata o mundo que nos gustaría ter, pasando por temas tan serios como o cambio climático ou o fin do mundo e incluso a creación dunha canle de Youtube. Escoitade, escoitade que a Caracola Radio xa está emitindo de novo!

QUERES SABER O QUE PASA NO COLE?

Pois estas son as direccións que tes que visitar

VOLTA AO COLE!

Xa estamos aquí un curso máis con moitas ganas de que empece o cole. Lembrade que será o:

MÉRCORES 11

A MOSCA CHOSCA - CROMA

Velaí tedes o traballo dos alumnos e alumnas de 5º de E.P. representando a obra "A mosca chosca", en colaboración co departamento de Tecnoloxías da Información e da Comunicación", iniciándonos no mundo do croma! Podedes adiantar ou retrasar o video para ver os tres grupos.

https://www.youtube.com/watch?v=In0G-xd9css&feature=youtu.be

Esperamos que vos arrinque un sorriso! :)

BOOKTRAILER

Este curso tivemos a gran sorte de poder aprender a través da biblioteca diferentes formas de achegar e involucrar ó alumnado ós libros. Aquí deixamosvos unha pequena mostra dos BOOK TRAILER que elaboramos para acadar tal fin.
Esperamos que vos agrade:

• https://photos.app.goo.gl/kPJ7pp9nLzsj2DaP6 ("Las niñas serán lo que quieran ser" Creado por Pili e Noelia)
• https://photos.app.goo.gl/vadKr1v4BmEtRpV38 ( " O bo mestre, o mestre bo" Creado polas mestras Noelia e Naiara)

XOA, OBRA DE ANTÓN YÁÑEZ CASAL.

CO OBXECTIVO DE FOMENTAR O GALEGO NA ESCOLA E IMPULSAR O PROXECTO LECTOR DO CENTRO, VOS PRESENTAMOS O VÍDEO DA OBRA "XOA".

VIVA A REVOLUCIÓN..!!

Viva a revolución creativa!! Pero ... que se está a cocer neste cole este ano?
Dámosvos unhas pistiñas:  😏

que será, será...?

SORPRESA!!!

QUE SORTE TIVEMOS HOXE!!

Hoxe tivemos no cole unha visita un pouco "inesperada"

 VEU ORBIL A VERNOS!!!!!

QUE ILUSIÓN, QUE LEDICIA, QUE EMOCIÓN!!

QUE CHEA DE ACHUCHÓNS!!

VOLTA CANDO QUEIRAS


NON ESPERES Ó PRÓXIMO SALÓN!

😍😍😍😍😍

13 DE FEBREIRO DÍA MUNDIAL DA RADIO

NOS TAMÉN PARTICIPAMOS!

http://espora.eu/dia-mundial-da-radio-2019-world-radio-day-2019/

UN DÍA NO COMPOSTEIRO

Fai uns días que tivemos a sorte de que nos viñeran explicar a  infantil o que é e como se fai  o composteiro.

Primeiro veu Rocio a explicarnos cómo se fai o compos, cunhas guias visuais, moi chamativas.

Logo veu Antón que nos ensinou o que podíamos atopar dentro do compos:

e acabamos saíndo no xornal!!

https://photos.app.goo.gl/eg4YP9tBCTknfVWG8