SAIDA DE 3º E 4º

Os alumnos de 3º e 4º fixemos hoxe un roteiro por Pontevedra para coñecer máis a María Victoria Moreno e logo visitamos o Salón do Libro.

COÑECE AS TÚAS INSTITUCIÓNS

Nesta excursión fomos ao Parlamento de Galicia e á Xunta de Galicia.

No Parlamento primeiro vimos un vídeo que explicaba as súas funcións, e logo fíxonos unhas preguntas. Logo fomos á biblioteca. Era enorme, e albergaba máis de 56000 libros. 56000! Era unha barbaridade. Despois vimos un debate en directo. A continuación sentámonos nas cadeiras dos deputados e dous representantes de 6º e outros dous de 5º demos un discurso.

Finalmente, cando fomos á Xunta de Galicia visitamos a planta baixa e os despachos onde se debaten que proxectos levar a cabo, os seus presupostos… Nunha desas salas vimos un vídeo moi divertido el logo falamos dos asuntos dos que se ocupaba cada ministro coa guía. Tamén nos contou que a Xunta contaba con aproximadamente 100.000.000.000 de euros para realizar todas as obras/pagar pensións/servizos. Así que o pasamos ben e pódese dicir que... coñecer as túas institucións é máis divertido do que parece!!!

Víctor Chan 6EP

As  fotos

TROCA A LINGUA, PROBA EN GALEGO!

Dobraxe - Caracola TV from CEIP Lérez on Vimeo.

Que falta hai do galego hai no audiovisual! por iso trocamos a lingua nun exercicio creativo e divertido.

(Proxecto de creación e produción de contidos en galego co alumnado do CEIPP San Benito de Lérez. Curso 6º de Ed. Primaria no ano 2017-2018.Idea e dirección de Denís Losada coa colaboración de Tania Garrido)

RAFISALIS: unha historia máxica.

Rafisalis é un produto dun traballo demorado para iniciar ao alumnado de 2º de EP na creación de banda deseñada.
Principiamos cun vídeo motivador
e logo fomos traballando no deseño da protagonista, unha superheroina capaz de resolver os problemas cotiáns do cole sen  axuda do profesorado. Deseñamos e configuramos, fixemos un pequeno storyboard e finalmente realizamos.
Ao día de hoxe, a nosa  Rafisalis está non Salón do Libro de Pontevedra coñecendo a moitos visitantes que por alí se pasan cada día, axudando a quen precisa!